ایک روایت میں آتاہے کہ 326 قبل مسیح میں علاقہ بھیرہ کے  راجا پورس کے ساتھ لڑائی میں سکندر اعظم کا گھوڑا بیوس فیلس یا ایک دوسری روایت کے مطابق بوقا  فارس مار ا گیا۔ وہ گھوڑا سکندر اعظم کو بہت پیارا تھا۔ اس نے وہا ں پر اس گھوڑے کے ڈھانچے کو دفن کیا۔بوقا کا نام بگڑتے بگڑتے بگا بن گیاجو بھڑاریوں سے تھوڑی مسافت پر جنوب کی جانب دریاکے کنارے واقع ہے،   واللہ اعلم۔

‍

مغلیہ خاندان کا بانی بابر جب ہندوستان میں وارد ہوا اورکلر کہار میں پہنچاتواس نے بھیرہ کے قریب دریا ئے جہلم کو عبور کیا۔ اس نے کئی رو ز بھیرہ میں قیام کیا۔یہ ایک بہت سرسبز شاداب علاقہ تھا،باغات کی کثرت تھی شہر کی آبادی تعلیم سے آراستہ اور تہذیب یافتہ تھی۔سر سبزی اور شادابی دیکھ کر بابرنے اس شہر کو" بچہ کشمیر" قرار دیا۔  بابر کے قیام کے حالات اور مشاہدات کی تفصیل  "تزک بابری" میں کئی صفحات پر موجود ہے۔

‍

نیا بھیرہ جو 1540ع  میں آباد ہوا۔نئی جگہ پر اس کی ابتدائی آبادی ایک ٹیلے کے قریب موجود تھی۔ وہاں کسی ایک فقیر کا مزار یا دسمادھی موجود تھی۔ ارد گرد مزید لوگ آباد ہوئے۔اسی آبادی کے گرد شاہی فرمان کے بعد موجودہ بھیرہ وجود میں آیا۔اسی دوران میں جب سوری دور میں ہر طرف تعمیرات کا دور دورہ تھاروایت ہے کہ کسی مقامی سردار نے سوری فن تعمیر کے مطابق ایک ایسی مسجد تعمیر کی جس کے 3مرکزی گنبد تھے۔ مورخ کے مطابق سامنے ایک وسیع صحن بھی رکھا گیا تھا۔شہر کی  فصیل کے باہر واقع اہم چنیوٹی دروازہ کے قریب جامع مسجد بھیرہ تعمیر کی گئی۔حیران کن بات یہ ہے کہ شیر شاہ سوری مسجد کے آثار میں کہیں سنگ مرمرسنگ سرخ وسیاہ یادہ نقش و نگار کا نشان نہیں ملتے اور نہ کہیں شاہی تعمیرات کے آثار پائے جاتے ہیں جو بادشاہو ں کی تعمیرکردہ عمارتوں کا لازمی حصہ ہوا کرتے تھے۔

‍

‍

ع1857 تک بھیرہ دہلی کی مغل حکومت کا حصہ تھالیکن حقیقت میں خکمرانی علاقے کے مقامی جنگ جو سرداروں کی تھی۔ خانہ جنگیوں کے بعد جب رنجیت سنگھ کامیاب ہوکر مہاراجہ پنجاب بنا تو 1849تک بھیرہ سکھ دور میں رہا۔مکاری اور خونریزی کے ذریعے انگریزی قبضہ کے بعد 1947ع تک یہاں انگریز کی عمل داری رہی۔جس کاقائم کردہ آج بھی پولیس،ریوینو اور دوسرے شعبوں کی شکل میں ابھی تک موجود ہیں۔

‍

انگریزوں نے استعماری مقاصد کے اور غاصبانہ اقتدار کے لیے درج ذیل اقدام کیے۔

۔1-میونسپل کمیٹی کا قیام1867ع

2۔2-پولیس اسٹیشن کا قیام 1870ع  (اس سے پہلے کمپنی بہادر کا جنگل لاء تھا

3۔3-ریلوے اسٹیشن کا قیام 1888ع   (تصویر)

4۔4-گورنمنٹ ہائی سکول بھیرہ کی بنیاد 1888ع

‍

بھیرہ  400ق  اپنے قدیم آثار،پرانی تاریخ،اوربیرونی حملہ آوورں کے لیے  جغرافیائی محل وقوع کے باعث موہنجوداڑو(3000ق) اورہڑپا (1300ق م)کے بعد ایک ممتاز اور تاریخی اہمیت کا حامل رہا ہے۔بھیرہ کی تہذیب اور رہتک نے یہاں ایک بہت اعلیٰ گنگا جمنی کلچر کو رواج دیا۔

‍

جس میں مسلمان،ہندوؤں اور سکھ مل جل کر رہتے تھے۔جہاں گردوارے اور بھیر ہ آبادی کے لیے مسجدیں،قبرستان،شمشان گھاٹ،مزار،اورسمادھیاں موجود ہیں۔

‍

گزیٹریرشاہ پور کے مطابق 1905ع میں شہر میں 2 ہائی سکول تھے۔ایک اینگلو ورنیکولر سکول جو محکمہ تعلیم اور میونسپل کمیٹی چلاتے تھے۔دوسراکرپا رام اینگلو سنسکرت ہائی سکول جو ایک مخیر  ہندو فیملی چلاتی تھی۔دونوں سکولوں میں سب مذاہب کے بچے داخل ہوتے تھے۔ویسے بھی شہر کی عمومی فضا میں روادار ی،برداشت اور حسن اخلاق کا چلن تھا۔

‍

Notification  کی فصیل شہر بھیرہ کی   Walled City of Lahore Authority Government of Punjab

کے تحت، شیر شاہ سور ی جامع مسجد اور دیگر چند عمارات کو اہم تہذیبی اثاثہ قرار دیا ہے۔ بھیرہ میں واقع شیر شاہ سوری جامع مسجد اٹھارہویں صدی سے بگوی خاندانوں کے علماء کی ذمہ داری رہی ہے اس کا رقبہ تقریباً 45کنال پر واقع ہے۔ جس میں جامع مسجد کا داخلی اور بیرونی حصہ، 3 گنبد اور 2مینارے شامل ہیں۔دینی علوم کے لیے طلبہ کے لیے دارالمطالعہ،دارا الحدیث، دارالقرآن اور دارالقیامیہ ہے جانبِ جنوب مسجدکے صحن کے ساتھ قدیم خانقاہ بگویہ بھی ساتھ واقع ہیں۔

‍

جلال الدین اکبر بادشاہ کے عہد سے اورنگ زیب عالمگیر کے ابتدائی زمانے تک بھیرہ میں امن اور خوشحالی رہی۔علاقائی بغاوتیں اورمقامی خانہ جنگیاں کم تھیں۔

‍

اکبر کے طویل زمانہ میں ہندو مسلم رواداری او ر بھائی چارے کی فضا پروان چڑھی۔بر صغیر میں عام  زندگی ٹھراؤ اور امن سے گزرتی رہی۔اکبر کے عہد کی یادگار تاریخی تصنیف  ً  آئین اکبری  ً  میں بھیرہ کو صوبائی سطح کی عملداری کا فرض سونپا گیا جہاں سکے ڈھالنے کے لیے کوئی پلانٹ بھی نصب کیا گیا تھا۔

‍

اورنگ زیب عالمگیر کے زمانے میں محلہ پراچگان اور محلہ لوہارا موری کے نزدیک گلیوں کے اندر واقع مسجد حفظانی تعمیر کی گئی۔اس کے نیچے ایک تہ خانہ اور بوقت ایمر جنسی شہر سے باہر نکلنے کا زیر زمین راستہ بھی بنا یاگیا تھا۔مسجد حفظانی کے علماء کو اورنگ زیب عالمگیر کی جانب سے خلعت اور جاگیرکا پروانہ بھی جار ی کیا گیاتھا۔

‍

تحت پنجاب کے مہاراجہ رنجیت سنگھ کے تخت دہلی کے فقیر عزیز الدین(1780ع) کا ذکر ناگزیر ہے۔فقیر، راجہ کے مدیر المہام (چیف سیکرٹری) اور وزیر اعظم بھی تھے۔دربار کی زبان فارسی تھی۔ راجہ خود ان پڑھ تھا مگر تھا بہت سیانا، راجہ کی ساری خط و کتابت بلکہ سفارت فقیر عزیز الدین کرتے تھے۔ راجہ نے لاہوراورپنجاب کے علماء اور دینی مدارس اور مساجد کی داد رسی او ر سرپرستی کرنے میں حصہ ادا کیا ہے۔بھیرہ سے دونوں بگوی برادران (مولانا غلام محی الدین بگوی ؒاور علامہ احمد الدین بگویؒ) کی لاہور میں درس و تدریس اور وعظ و نصیحت کی خدمات سرانجام دینے کا سہرا فقیر عزیز الدین مر حوم کو جاتا ہے۔

‍

‍

انگریز نے پنجاب پرقبضے کے فوراََ بعد ایسے منصوبے شروع کیے جن کا بنیادی مقصد مقامی آبادی سے اپنے وفادار اور مفید ملازم تلاشنا اور تیار کرنا،دفاعی اعتبار سے دور افتادہ جگہوں پر فوج اور اسلحہ کی فوری نقل و حمل،عوام کو پورا غلام بنانے اور غلام رکھنے کے لیے انگریزی زبان اور پولیس اور بیوروکریسی کا نظام،چھاؤنیوں کی تعمیر جہاں گورے افسروں اور کمانڈروں کے لیے بہت آرام دہ اور جدید سہولیات تعمیر کرناتھا۔عدم التفات اور زبان کی تبدیلی سے عام شہری آبادی کو تعلیم،صحت،سڑکات،انڈسٹری،اگریکلچرمیں پس ماندہ رکھنا مقصودچنانچہ ان اقدامات سے مقامی آبادی کو کم اور سب سے ذیادہ نفع انگریز کو اور اس کی مقامی ذریت کو حاصل ہوا۔اس سلسلے میں بھیرہ میں پو لیس اسٹیشن، سرکاری تعلیمی سکول،  ریلوے اسٹیشن،تار گھر، ڈاک خانہ،میونسپل کمیٹی اور چرچ وغیرہ کی تعمیر ہوئی۔ تمام دوآبہ(چناب اور جہلم کے درمیان)بشمول موجودہ ضلع سرگودھا،خوشاب،میانوالی،جھنگ،اور گجرات تمام علاقے کو ضلع شاہ پور کا نام دیا گیا۔یہ نیا جغرافیائی سیٹ اپ فوجی اور حکمرانی ضروریات کے تحت بدلتا رہا۔ایک مدت تک بھیرہ ضلع شاہ پور کی تحصیل شمار ہوتا رہا۔اسی طرح میانوالی کی حد سے ملحق ضلع کوہاٹ /بنوں کے کچھ حصے بھی وسیع ضلع شاہ پور کے ساتھ رہے۔

‍

1986-90ع  میں Mr J. William ضلع کا پہلا ڈپٹی کمشنر تھا۔اور آخری1931-33ع  میں Mr IE James اس کے بعد دو مزید انگریز ڈی سی آئے۔لیکن 1947ع  تک برصغیر کے ہندو مسلمان ICSضلع ڈی سی رہے۔یوں انگریز قریبا ً ایک سو سال میں اپنے حقیقی جانشین پیدا کرنے میں کامیاب ہو گیا جس کے اثرات پاکستان کی سول ملٹری شعبوں پر آج بھی نمایا ں ہے۔

‍

مشہور انگریز منتظم، منصوبہ ساز اور شاطر میکالے نے نئے حکمرانوں کو یقین دلایا کہ بر صغیر کے رہنے والے کالے غلام عقل و دانش اورعام سوجھ بوجھ میں یورپ کے گوروں کے برابر نہیں ہیں۔ہندوستانیوں کی ذہنی سطح ابھی حیوانی ہے اس لیے ان کواتنی جلدی عصری تعلیم، مشینی ہنر،بنیادی حقوق،سیاسی شعور اور آزاد ی کا حق نہیں دینا چاہیے۔

‍

اسی غاصبانہ فکر کے تحت انگریز کے ایماء اور اجازت سے پہلے آل انڈیا کانگریس پارٹی قائم کی گئی اور پھر 1906ع  میں آل انڈیا مسلم لیگ۔ہندو کئی سو سال سے مسلمانوں کا غلام اور ماتحت رہ چکا تھا۔ اسے ڈر تھا کہ انگریز کی ملی بھگت سے کہیں مسلمان دوبارہ اقتدار حاصل نہ کرلیں۔اسی خوف نے انگریز کو مسلمانوں کے خلاف بھڑکایا کہ ان کے اندر آزادی،حکمرانی اور مساوات کے شعلہ یزدانی فروزاں نہ ہو۔

‍

احساس برتری کے باعث خودمسلمان اپنی پر شکوہ حکومت چھن جانے کے بڑی دیر بعد عصری تعلیم،ہنر و دستکاری اور سرکاری ملازمتو ں کی طرف متوجہ ہوئے۔ یہ کریڈٹ بلاشبہ سر سید احمد خان مرحوم کو جاتا ہے جنہوں نے مسلمانوں کی محرمیوں کی بات کی اور اس طرح ایک علیحدہ قومیت کی بنیاد رکھی۔

‍

انگریز نے مقامی آبادی کو Engage  رکھنے کے لیے بہت محدود اور رسمی سی لوکل سیف گورنمنٹ کو تصور دیا۔اس کے تحت بھیرہ میں 1882ع    میں میونسپل کمیٹی تشکیل دی گئی۔انگریز مقصود جمہوری حق دینا نہیں تھا بلکہ اپنے تخت کی حفاظت،حواری اور پجاری طبقوں کی سر پرستی اور حوصلہ افزائی تھی۔تب کہیں کوئی ووٹ تھا اور نہ کوئی سیاسی آزادی،انگریز سرکار کے نامزد کردہ درباری حواری،کرسی نشین،ریٹائرڈ ملازم اور جاگیر داران کے کے ممبر،چئیر مین اور وائس چیئر مین نامزد ہوا کرتے تھے۔کئی سال کے بعد ووٹ کا اجراء ہو ا۔اس میں بھی ووٹ دینے کے حقدار سرکار سے وابستہ اور وفادار لوگ ہوئے تھے۔عام آدمی،مذہبی یا عصری تعلیم یافتہ یا دیگر شہریوں کا کوئی حصہ نہ ہوتا تھا۔

‍